Thursday, 14 May 2020

அழைத்தது “அன்பே வா” || Part 02 ||









கால்ப் விளையாட்டு வீரராக அவர் வரும் காட்சிகளும்டிஆர்ராமச்சந்திரன்முத்து லட்சுமிசரோஜாதேவி ஆகியோரைச் சந்திக்கும் காட்சிகளும் பட மாக்கப்பட்டன.







குதிரை மீது டி.ஆர்.ஆரும் சரோஜாதேவியும் வருகிறார்கள். அவர்களைத் தொடர்ந்து சற்று பின்னால் முத்துலக்ஷ்மி வருகிறார். டி. ஆர். ஆரின் குதிரைக்கு இருந்தாற்போலிருந்து ரோஷம் வந்து விடுகிறது. ஆமை வேகத்தில் வந்து கொண்டிருந்த அது, திடீரென குதிரை வேகத்தில் ஓட ஆரம்பிக்கிறது! அதைக் கண்டு முத்துலஷ்மி பதறுகிறார்.

டி.ஆர்.ஆர். நீண்டகால இடைவெளிக்குப் பிறகு அன்றுதான் மீண்டும் குதிரை சவாரி செய்கிறார். இதற்கு முன் ஆர். பத்மநான் படத்தில் குதிரைச்சவாரி காட்சியில் நடித்திருக்கிறார்.

படப்பிடிப்புக்காக அவருக்கு சில மணி நேரம் குதிரைச் சவாரி ஒத்திகையும் தரப்பட்டது.

ஒத்திகையின் போதெல்லாம் சரியாக வந்த குதிரை, காட்சி படமாக்கப்பட்ட போது, ஒழுங்காக வர மறுத்து விட்டது!

என்னடா இது குருதையாக இருக்கே! குதிரை மாதிரி இல்லையே? என்று டி.ஆர்.ஆர். முனகிக் கொண்டிருந்த போது தான், படப்பிடிப்பைக் காண சுற்றிலும் நின்றிருந்த நூற்றுக் கணக்கான மக்களிடையே இருந்து கரகோஷம் எழுந்தது! மக்கள் திலகம்' தான் வந்து கொண்டிருந்தார்!

வந்தவர் விஷயத்தைக் கேட்டதும் டி.ஆர்.ஆரிடம் சென்றார். எனக்குத் தெரிந்த அனுபவத்திலிருந்து சொல்கிறேன் ..... என்று குதிரை ஓட்டுவதில் உள்ள சில நுணுக்கங்களையும், காலை பக்க வாட்டில் எப்படித் தட்ட வேண்டு மென்பதையும் டி. ஆர். ஆருக்கு சொல்லிக் கொடுத்தார். பின்னர் அந்தக் காட்சி சரிவர அமைந்தது என்பதை நான் சொல்ல வேண்டுமா என்ன?

க்கள் திலகம்' இங்கு வந்த மறு நாள் அவரை, அவர் தங்கியிருந்த 'சுதர்சனம்' மாளிகையில் சந்திக்க, டைரக்டர், தயாரிப்பாளர்கள், அசோகன் ஆகியோருடன் நானும் போயிருந்தேன்.

அப்போதுதான் தேகப் பயிற்சி செய்து முடித்திருந்தார் எம்.ஜி.ஆர். எங்களையெல்லாம் ஒருங்கே எதிர்பாராத நேரத்தில் கண்ட எம்.ஜி. ஆருக்கு ஒரே மகிழ்ச்சி . உற்சாகமாகப் பேச ஆரம்பித்தார்.

உங்களுக்கெல்லாம் கொடுப்பதற்கு இங்கு தயாராக எதுவு மில்லையே என்று சொன்னவாறே, உள்ளே போனவர் கையில் ஒரு பொட்டலத்துடன் வந்தார்.

அது பேரிச்சம்பழப் பொட்டலம்.

அதைப் பிரித்து, ஒவ்வொருவரிடமாகச் சென்று கொடுத்து வந்தார் எம்.ஜி.ஆர்.

பேரிச்சம்பழம் கொடுத்து உப சரிப்பதென்பது ஒரு பண்பட்ட பழைய பழக்கம் என்பது எம்.ஜி.ஆருக்குத் தெரியாமலா இருந்திருக்கும்?

எம்.ஜி.ஆர். மனதைத் திறந்து அன்று சில விஷயங்களைச் சொன் னார்.

நண்பர்கள் என்பவர்கள் வெறும் நண்பர்களாகப் பழகக் கூடாது. நல்லதை நல்லதென்றும், கெட்டதைக் கெட்டதென்றும் சொல்லும் குணமும் கொண்டிருக்க வேண்டும்'' என்றெல்லாம் சொன்னார் எம். ஜி.ஆர்.

பின்னர் பொழுது போக்கு பற்றிப் பேச்சுத் திரும்பியதும், சீட்டாட்டத்தில் தலைகாணிதூக்கும் பந்தயத்தைப் பற்றிச் சொல்ல ஆரம்பித்தார்.

அவர், நம்பியார் மற்றும் நண்பர்கள் சீட்டாடும் போது, பணம் வைத்து ஆட ஆரம்பித்தார்கள். ஆனால் அது நாளடைவில் தீயது என்று படவே, ஆட்டத்தில் தோற்பவர்கள் தலைகாணியை சிறு நேரம் தூக்கிக் கொண்டிருந்தால் போதும் என்று தீர்மானம் கொண்டு வந்தார்கள்.

இம்மாதிரி தலைகாணி தூக்கியவர்களை படம் பிடித்து வைத்து விடுவோம்!'' என்று எம்.ஜி.ஆர். சொன்னார்.

மாலை நேரங்களில், வேறு அலுவல்கள் எதுவுமில்லாமல் இருந் தால் எம்.ஜி.ஆர். எங்கள் இருப் பிடத்திற்கு வந்து விடுவார். சீட்டாட்டம் துவங்கி விடும்.

எம்.ஜி.ஆர்., டி.ஆர்.ஆர். முருகன், குமரன், உதவி டைரக்டர் ராஜேந்திரன், முருகனின் காரிய தரிசி ராமனாதன் இப்படி ஒரு கோஷ்டி அமைந்து விடும்.

எம்.ஜி.ஆர். வரும் வரை நான் ஆடிக் கொண்டிருப்பேன். வந்ததும் அவரிடம் என் சீட்டுகளைக் கொடுத்து விடுவேன். என்னை தலைகாணி தூக்க வைப்பதிலிருந்து காப்பாற்றி விடுவார் என்ற நம்பிக்கையில் தான்! அந்த நம்பிக்கையும் வீண் போகவில்லை.

ஏன், நாங்கள் இந்த அடிப்படையில் ஆட ஆரம்பித்தலிருந்து ஒரு நாளாவது யாரும் தலைகாணி தூக்கவில்லை. ஏனெளில் எங்களில் யாரேனும் தோற்பதுக்குள் நேரம் போய் விடும்!

ஊட்டியின் உச்சியிலுள்ள கால்ப் கிளப்பில் அன்பே வா என்ற பாட்டின் சில அடிகளும், அதற்கு முன் தினம் இதே இடத்தில் சரோஜாதேவி தன் சகாக்களுடன், கதாநாயகனை விரட்டத் திட்டமிடும் காட்சிகளும், கதாநாயகன். தன் கட்டை விரலை நிமிர்த்தி தன் வலிமையை மறை முகமாக எடுத்துச் சொல்வது போன்ற காட்சிகளும் எடுக்கப்பட்டன.

முதல் நாள் வெய்யில் நீண்ட நேரம் வரை தலை காட்டவே இல்லை. இந்த இடை வேளையில் நடனப் பெண்களும், ஆண்களும் நடனமாடுவார்கள் என்று ஒருவர் யோசனை தெரிவித்தார். சிறப்பாக ஆடுபவருக்கு நூறு ரூபாய் பரிசு தருவேன் என்றார் எம்.ஜி.ஆர். சலீம் - தாரா டுவஸட் நடனம் ஆடினார்கள். சந்திரன் விகடக்கச்சேரி செய்தார். புலியூர் சரோஜா நடனமாடியதுடன், கதாகாலக்ஷேபமும் செய்தார்.

எம்.ஜி.ஆருக்கு அன்று நல்ல செலவு! சிறப்பாக ஆடுபவருக்குப் பரிசு என்று சொன்னவர், ஆட்டத்தில் முக்கிய பங்கெடுத்துக் கொண்ட ஒவ்வொருவருக்கும் நூறு ரூபாயும், உதவியாக வந்தவர்களுக்கு தலா ஐம்பது ரூபாயுமாக அறு நூறு ரூபாய் வரை பரிசாகக் கொடுக்கார்!

இங்கு நவநகர் மகாராஜாவுக்கு சொந்தமான பெரிய அரண்மனை ஒன்று மலை உச்சியில் இருக் கிறது.

கதாநாயகன் ஜே.பி.யின் மாளிகையாக இதை வைத்துக் கொண்டு, பல காட்சிகளை எடுத்தார்கள்.

கதாநாயகன் ஜே.பி.தான் அந்த மாளிகையின் உரிமையாளர் என்பது கதாநாயகிக்குத் தெரியாது. அவளது பெற்றோர்களுக்கும் தெரியாது. தவிர, அவன் ஊரில் இல்லாத சமயம் அதை வாடகைக்கு விட்டு விடும் ஜே.பி.யின் அந்தரங்க வேலையாட்களுக் கும் அவர் திடுதிப்பென்று வந்து விடுவார் என்பது தெரியாது!

எல்லாரும் திகைத்தபடி நிற்க ஜே .பி .வந்து விடுகிறார்.

அவரைக் கண்டதும் அவரது வேலையாட்களான நாகேஷ், மனோரமா, பி.டி. சம்பந்தம், பாக்கியம் எல்லாரும் காரின் முன்னாலேயே சாஷ்டாங்கமாக விழுந்து வணங்குகிறார்கள்.

இந்தக் காட்சிக்கான ஒத்திகை பார்க்கப்பட்டது. அது சரியாக இருக்கிறது என்று சொன்ன பிறகும், தரையில் குப்புறப் படுத்த நாகேஷ் எழுந்திருக்கவே இல்லை! “பூமி இப்பத்தான் சுட ஆரம்பிச்சி ருக்கு. குளிருக்கு பாடிக்கு ஒத்தடம் கொடுப்பது போல எவ்வளவு இதமாக இருக்கிறது தெரியுமா! என்று நாகேஷ், தான் உடனடியாக எழுந்திருக்காதற்கு விளக்கம் சொன்னபோது தன், உண்மையே புரிந்தது.

இதே இடத்தில் பையன்களும், பெண்களும், டி. ஆர். ஆரையும் முத்துலட்சுமியையும் ஏமாற்றி விட்டு, பஸ்ஸில் பிக்னிக் கிளம்புவது, ஜே.பி.யை ஒதுக்கி விட நினைத்தும், அவர் சாமர்த்தியமாக இந்தப் பிரயாணத்தில் ஒட்டிக் கொள்வது, மற்றும் எம்.ஜி.ஆர். கார் ஓட்ட, அசோகனும், சரோஜாதேவியும் வெளியே நைட் கிளப்புக்குப் புறப்படுவது, தவிர மாதவி, ராமாவ், சரோஜாதேவி சம்பந்தப்பட்ட சில காட்சிகளும் படமாக்கப்பட்டன. எம்.ஜி.ஆர். கார் ஓட்டும் காட்சி இரவு எட்டு மணி சுமாருக்குப் பிடிக்கப் பட்டது.

நடுக்கும் குளிரில் , சில்லென்ற காற்று வீச இந்தக் காட்சிப் பட மாக்கப்பட்டது !

இந்த மாளிகையில் நடை பெற்ற படப்பிடிப்பின் போதும் ஒரு நாள் சூரியன் ஒத்துழைக்கவில்லை! அந்தச் சமயத்தை நடனப் பெண் களும், ஆண்களும் பயன்படுத்திக் கொண்டார்கள். படத்திற்காக ஏற்பாடு செய்யப்பட்டிருந்த பாண்ட் கோஷ்டி இசையை முழக்க, அவர்கள் டுவிஸ்ட் ஆட ஆரம்பித்து விட்டார்கள். மாதவியும் அவர்களுடன் சர்ந்து டுவிஸ்ட் ஆடினார். சிறிது நேரத்திற்கெல்லாம் நாகேஷும் இவர்கள்ளோடு சேர்ந்து கொண்டு ஆட ஆரம்பித்து விட்டார். தவிர, அவ்வப்போது பல தமாஷ் வெடிகளையும் உதிர்த்துக் கொண்டே இருந்தார் நாகேஷ்!



இங்குள்ள போட்கிளப்பை ஓட்டிய யுகலிப்டஸ் தோட்டத்தில் நான் பார்த்ததிலே அவள் ஒருத்தியைத்தான்'' என்று எம்.ஜி.ஆர்.,  சரோஜாதேவி பாடும் பாட்டின் சில காட்சிகள் எடுக்கப் பட்டன. இதற்காக காலை ஐந்து மணிக்கெல்லாம் ஒரு காட்சி படமாக்கப்பட வேண்டியிருந்தது. உடல் நலம் சரியில்லாமல் காய்ச்சலுடன் இருந்தும் சரோஜாதேவி, அந்த விடியற்காலை நேரத்தில் நடுக்கும் குளிரில் இதில் கலந்து கொண்டது குறிப்பிடத்தக்கதாகும்!

'அன்பே வா' படத்தில் கார்னிவல் காட்சி ஒன்று வருகிறது. இதற்காக இங்குள்ள கால்ம் கிரவுண்டில் சிறு கூடாரங்களைப் போட வேண்டியிருந்ததுடன், மற்றும் பல அலங்காரங்களையும் செய்ய வேண்டியிருந்தது. இதற்காக படத்தின் ஆர்ட் டைரக்டர் ஏ. கே. சேகரும், மற்றும் தயாரிப்பு சிப்பந்திகளும் இரவு பூராவும் பனியிலே உழைத்து, இவற்றை திர்மாணித்து, மறுநாள் திட்டமிட்டபடி இங்கு படப்பிடிப்பு நடைபெற உதவினார்கள்.

எம்.ஜி.ஆர்., சரோஜாதேவி, மற்றும் பல ஆண்களும், பெண்களும் இந்தக் கார்னிவல் காட்சியில் பங்கெடுத்துக் கொண்டார்கள்! படத்தில் அசோகனை ரயில்வே ஸ்டேஷனில் எம்.ஜி.ஆர்., சரோஜாதேவி, டி. ஆர். ஆர்., மாதவி, முத்துலட்சுமி எல்லாரும் வரவேற்கிறார்கள். லவ்டேல் ஸ்டேஷனில் இந்தக் காட்சி பட மாக்கப்பட்டது.

சென்னை சர்க்காருக்கு சொந்தமான தமிழகம் மாளிகையின் பரந்த புல்வெளியிலும் பல காட்சிகள் படமாக்கப்பட்டன.

இதற்கிடையில் சரஸ்வதி பூஜை அன்று ஏவி.எம். கலைக்கூடச் சிப்பந்திகள் தங்கியிருந்த லாட்ஜில் ஒரூ கலை நிகழ்ச்சியும் நடை பெற்றது.

உதவி டைரக்டர் மூர்த்தி ஒதெல்லோவாக வந்து முதற் பரிசான ரூபாய் நூறைத் தட்டிக் கொண்டு போனார். புரொடக்க்ஷன் இலாகாவைச் சேர்ந்த அடைக்கலம் பெண் வேஷம் போட்டுக் கொண்டு வந்து, பார்வையாளர்களிடையே ஒரு பெரிய பரப்பரப் பையும் உண்டு பண்ணிவிட்டு, மூன்றாவது பரிசாக ரூபாய் ஐம்பதை வாங்கிக் கொண்டு போனார்.

இரண்டாவது பரிசு பாண்டியன், ஜானகி இருவருக்குப் போய்ச் சேர்ந்தது. இவை தவிர எமன் ஏமாந்தான்!" என்ற ஓரங்க நாடகத்தை ராமராவ் குழுவினர் டித்து காட்டினார்கள். மாதவி டுவிஸ்ட் ஆடி, மகிழ்வித்தார்.

நடனக் கோஷ்டியைச் சேர்ந்தவர்களுக்கும் இம்மாதிரி பரிசளிக் கப்பட்டது.

விழாவில் சரோஜாதேவி, டி.ஆர்.ஆர்., எம். சரவணன், மாரு திராவ், முத்துலக்ஷ்மி, .கே. சேகர் ஆகியோர் நீதிபதிகளாக இருந்தா, பரிசுக்குரியவர்களைத் தேர்ந்தெடுத்தார்கள். ஏவி.எம். மின் சார்பில் முருகன் பரிசுகளை வழங்கினார்.

 அன்பே வா படத்தின் இந்த வெளிப்புறக் காட்சிகளைப் பட மாக்குவதற்காக சுமார் இரண்டு மாத காலம் இங்கு ஏவி. எம். கலைக் கூடத்தைச் சேர்ந்தவர்கள் தங்கியிருந்தார்கள். எம்.ஜி.ஆர்., சரோஜாதேவி, டி. ஆர். ஆர் மற்றும் பல முக்கியமான நடிகர்கள் சுமார் ஒரு மாத காலம் வரை இங்கு முகாமிட்டு, தங்கள் பகுதிகளில் நடித்து முடித்து விட்டுத் திரும்பினார்கள்.

இங்கே இவர்கள் எல்லாரும் தங்கியிருந்தபோது ஒரே குடும்பத் தினரைப்போலலே பழகினார்கள். சென்னையில் இல்லையே என்ற குறை இங்கு தோன்றவேயில்ல. ஏனெனில் நாங்கள் தங்கியிருந்த ஓட்டலில் பெரும்பாலும் நாங்களே தங்கியிருந்ததால் சென்னையில் இருப்பது போன்ற பிரமையே எங்களுக்கு இருந்தது!

ஊட்டிக்கு வந்ததும், இந்தச் சமயமாகப் பார்த்து வந்திருக்க றீர்களே!'' என்று பீதி உண்டாக்கியவர்களின் சொற்கள் பொய்யாகும் வண்ணம், முதல் ஓரிரு நாட்தள் தவிர, மற்ற நாட்கள் பூராவும் வெய்யில் காய்ந்து தள்ளி விட்டது!

கலைஞர்களின் ஒத்துழைப்பினாறும், கதிரவனின் ஒத்துழைப்பினா லும், ஊட்டி மக்களின் கட்டுப் பாடான ஒழுக்கத்தினாலும், மற்றும் இங்குள்ள பல அதிகாரிகளின் உதவியினாலும் பல காட்சிகளை இங்கு குறுகிய காலத்தில், திட்டமிட்டபடி எடுத்து முடிக்க முடிந்தது.

 இவர்களுக்கெல்லாம் தயாரிப்பாளர்களான முருகன், குமரன் சரவணன், டைரக்டர் திருலோகசந்தர் எல்லாரும் தங்கள் நன்றி யைத் தெரிவித்துக் கொள்கிறார்கள்.

கடைசியாக அவர்களுக்கும் நான் என் நன்றியைச் சொல்லிக் கொள்ளுகிறேன்.

அவர்களுடன் பிறவா விட்டாலும், என்னை அவர்களது சகோதர னாகாவ பாவித்து, அவர்களுக்கு இல்லாத வசதியையும் எனக்கு செய்து கொடுத்து, இத்தகைய மணியமான இடத்தில் படப்பிடிப் பைப் பார்க்க வசதியளித்தமைக்கு நான் வேறு என்ன சொல்லிக் கொள்ள முடியும்?

 

பேசும் படம் டிசம்பர் மாதம் 1965

Tuesday, 12 May 2020

அழைத்தது “அன்பே வா” || Part 01 ||



அழைத்தது “அன்பே வா



ஏவி.எம்.புரொடக்க்ஷன்ஸ் தயாரித்து வரும் அன்பே வா' வர்ணப் படத்தின் வெளிப்புறக் காட்சிகள் சமீபத்தில் படமாக்கப்பட்டன.

இந்தப் படத்தில் குறிப்பிடத்தக்க  பல விசேஷ அம்சங்கள் இருக்கின்றன. ஏவி. எம். ஸ்டூடியோவில் வளரும் ஐம்பதாவது படம் இது.இதுவே ஏவி.எம் எடுக்கும் முதல் வர்ணப்படமுமாகும்.

'புரட்சி நடிகர்' எம்.ஜி.ஆர்.  நடிக்கும், முதல் ஏவி.எம். தயாரிப்பும் இதுதான்.

இந்தப் படத்திற்கு கதை அமைத்து, டைரக்ட் செய்து வரும் திருலோகசந்தருக்கும் இதுவே முதல் வர்ணப்படமாகும்.

.வி.எம் புரொடக்க்ஷன்ஸ் சார்பில் எம்.முருகன், எம்.குமரன், எம் சரவணன் மூவரும் சேர்ந்து தயாரித்து வரும் இப்படத்தை மாருதி ராவ் ஒளிப்பதிவு செய்து வருகிறார். அவர் ஒளிப்பதிவு செய்யும் முதல் வர்ணப் படமும் இதுதான்.

இந்தப் படத்தில் ஹாஸ்ய நடிகர் டி.ஆர்.ராமச்சந்திரன் தகப்பனார் வேஷமேற்று நடித்து வருகிறார்.

ஏவி.எம்.மில் அவர் கடைசியாக நடித்த படம் வாழ்க்கை. அதில் வைஜயந்திமாலாவுடன் கதாநாயகனாக நடித்தார் அவர். இப்போது அதே ஸ்டூடியோவில் அப்பாவாக வேஷம் போட்டிருக்கிறார். இந்தப் படத்தின் வெளிப்பாக் காட்சிகளின் படப்பிடிப்பின் போது, நடைபெற்ற சம்பவங்களைக் கொண்டு தொகுக்கப்பட்டிருக்கும் பிரத்தியேகமான கட்டுரை ஒன்றும் இதே இதழில் வேறொரு இடத்தில் பிரசுரிக்கப் பட்டிருக்கிறது என்பதையும் தெரி விக்கக்கொள்கிறோம்

 

 

அழைத்தது அன்பே வா!

 


பச்சைப் பசேலென்ற - புல் வெளியைமேடும் பள்ளமுமான அந்த இடத்தில் கண்டபோது, காற்றில் அலை அலையாக மிதந்தாடும் பச்சைப் பட்டாடையைப் பார்ப்பது போலவே இருந்தது. மேலே மலைப்பாங்கான பிரதேசத்திலிருந்து கீழ் நோக்கி வந்து கொண்டிருந்த பாதை, இந்தப் புல் திடலை அணைத்தாற்போல ஓடிக்கொண்டிருந்தது. இந்தப் புல்தரையைச் சுற்றினாற் போல நெடி துயர்ந்து நின்ற யூகலிப்டஸ் மரங்கள் அரண் வைத்தாற் போல காட்சி தந்து கொண்டிருந்தன.

புல் தரையின் ஒரு ஓரத்தில் மஞசளும் சிவப்பும் ஊதாவும் பச்சையு மாக மாற்றி மாற்றி தைக்கப்பட்ட ஒரு பெரிய துணிக்குடையின் கீழ் காமிரா வைக்கப்பட்டிருந்தது, அதன் அருகே பழுப்பு நிற ஜெர்க்கினும் வெள்ளை பாண்டும் தொப்பியும் அணிந்தபடி ஒளிப்பதிவாளர் மாருதி ராவ் நின்றிருந்தார். காமிராவுக்குச் சற்றுத் தள்ளிப் போடப்பட்டிருந்த மடக்கு நாற்காலியில் நீலநிற புல்கை சுவெட்டருடன் டைரக்டர் திருலோகச்ந்தர் அமர்ந்திருந்தார். அவ ருக்கு இரண்டு பக்கங்களிலும் அன்பே வா படத்தின் தயாரிப் பாளர்களான முருகன், சரவணன் இருவரும் உட்கார்ந்திருந்தார்கள். புல்தரையைச் சுற்றி வந்த அந்தப் பாதையில் நீலநிறத்தில் புத்தம் புதிய பஸ் ஒன்று நின்றிருந்தது. அதன் உள்ளே சிலர் உட்கார்ந்திருந்கார்கள். வெளியே அதன் மீது ஒய்யாரமாகச் சாய்ந்தபடியும், அருகிலும் பல பெண்களும் ஆண்களும் விதவிதமான உடைகளை அணிந்து. இங்குமங்குமாகப் பட்டாம்பூச்சிகள் பறப்பது போலப் போய்க் கொண்டிருந்தார்கள்.

அன்பே வா வெளிப்புறக் காட்சிக்கு அதன் தயாரிப்பாளர்கள் என்னை அழைத்திருந்தனர். நானும் தயாரிப்பாளர்கள் மூவரில் ஒருவருமன குமானும்தான் கடைசியாக அங்கு கிளம்பிச் சென்றோம்.

 

 

 

ஊட்டிக்கு வந்த நாங்கள் படப்பிடிப்பு நடை பெறும் இடத்திற்குச் சென்ற போது கண்ட காட்சி யைத்தான் நான் மேலே விவரித் திருக்கிறேன். அப்போது அங்கு படப்பிடிப்பு நடை பெற வில்லை ,

எனக்காகக் காத்திருப்பதென் ஹால் நான் தான் வந்து விட்டே னே, ஆரம்பிக்கலாமே!'' என்றார் குமரன். அன்றுதானே அவர் முதன் முதலாக இந்த வெளிப்புறக் காட்சிப் படப்பிடிப்புக்கு வருகிறார்! அதனால் தான் இப்ப டித் தமாஷாகக் குறிப்பிட்டார்!

"நீங்கள மட்டும் வந்தால் பரவாயில்லையே! கூட இவரையும் அழைத்து வந்து விட்டீர்களே!" என்று டைரக்டர் திருலோகசந்தர் சொன்னார் !

நான் என்னையே ஒரு முறை பார்த்துக் கொண்டேன்.

யாரைச் சொல்கிறீர்கள்?'' என்றார் குமரன்.

"அதோ அவரைக் கேளுங்கள், சொல்வார்" என்று, கையை ஒரு திசையில் சுட்டிக் காட்டினார் டைரக்டர் திருலோகசந்தர்.

அந்தத் திசையில் -

 ஒளிப்பதிவாளர் மாருதிராவின் உதவியாளர் புண்ணியகோடி, கையில் சதுரமான பிரௌன் நிற கண்ணாடியை வைத்துக் கொண்டு, ஆகாயத்தை அளந்து விடுபவர் போல அண்ணாந்து பார்த்துக் கொண்டிருந்தார்.

எங்கள் பேச்சைக் கேள்விப் பட்ட அவர், வேறு யாரையும் சொல்லலை சார்! இந்த மேகங்ளைத் தான் சொல்கிறார். காலையிலிருந்து, இந்த மேகமும் சூரியனும் எப்படியெல்லாம் ஓடிப் பிடித்து, கண்ணாமூச்சி ஆடுகின்றன தெரியுமா?... மேகம் எப்போ விலகும் என்று நான் கண்ணாடியிலே பார்த்துப் பார்த்து, என் கழுத்தெல்லாம் வலியெடுக்க ஆரம்பித்து விட்டது சார்!... சார்! இன்று தோன்றுகிறது...உதகமண்டலம் என்று இதற்குப் பெயர் வைத்திருப்பதை 'மேகமண்டலம்'னு கூட வச்சிருக்கலாம்! என்று சொன்னபோது, எல்லாருமே கைக் கொட்டினார்கள்!

பல்லாவரத்திலே அடிக்குது வெய்யில். இங்கே அடிக்கக் கூடாதா?” என்று புண்ணிய கோடி சொன்ன முகூர்த்தமோ என்னமோ, மறு நாள் முதல் உதகமண்டலம் மேகமண்டலமாக இல்லை. பதிலுக்கு பளிச்சென்று வெய்யிலடிக்க பல்லாவரமாகவே மாறி விட்டது!

 நாங்கள் சென்ற முதல் நாள் -

அன்று 'மேக் - அப்புடன் டி.ஆர்.ராமச்சந்திரன் வந்திருந்தார். டைரக்டர் திருலோகசந்தர் அவர் வந்ததும், முன்தினம் நடைபெற்ற ஒரு சுவாரஸ்யமான சம்பவத்தைச் சொல்ல ஆரம்பித்தார்.

வந்த முதல் நாளன்று வெறும் சட்டையும் வேட்டியுமாக வெளியே வந்த டி.ஆர்.ஆர். டைரக்டர் திருலோகசந்தரும், மற்றவர்களும் ஸ்வெட்டருடன் இருப்பதைப் பார்த்து, "இது என்ன குளிர்னு, ஸ்வெட்டர் மாட்டிக்கிட்டிருக்கீங்க? பூ! இதெல்லாம் ஒரு குளிரா!'' என்று கிண்டல் செய்ய ஆரம்பித்தார்.

இப்போது பகல் நேரம். தவிர, இப்பத்தான் வந்திருக்கீங்க. கொஞ்ச நேரம் பொறுத்துச் சொல்லுங்க!'' என்றார் டைரக்டர்.

சில மணி நேரம் சென்றிருக்கும். அதாவது மாலை மணி மூன்றிருக் கும். டி. ஆர். ஆர். மெல்ல டைரக்டரிடம் வந்தார்.

"ஆமாங்க! காத்து கொஞ்சம் சிலு சிலுன்று தான் வீசுது" என்று கைகளிரண்டையும் உடலோடு உடலாக இறுகக் கட்டிக் கொண்டு சொன்னார். நாலு மணிக்கு டி.ஆர்.ஆர். ஒரு ஸ்வெட்டர் போட்டுக் கொண்டு வந்தார். "ஆமாம்! கொஞ்சம் குளிருச்சு! எழுந்து மாட்டிக்கிட்டேன்!'' என்றார் அசடு வழிய.

ஐந்திருக்கும். கழுத்தையும் தலையையும் சுற்றி ஒரு மப்ளரைக் கட்டிக்கொண்டு வெளியே வந்தார் டி. ஆர். ஆர்.

ஐந்தரைக்கு மறுபடியும் தன் அறைக்குள் போனவர், ஆறரைக்கு வெளியே வந்தார். ஒரு பெரிய கம்பளியைப் போர்த்தியபடி!

டைரக்டர் அவரை ஒன்றும் கேட்கவே இல்லை! ஒவ்வொரு சமயமும் ஒவ்வொன்றை எடுத்து மாட்டிக்கொண்டு வெளியே வந்த போது, அவராகவே நீங்க சொன்னது சரிதான்! என்று டைாக்டரிடம் சொல்லிக் கொண்டே வந்தார்.

கடைசியாக அவர் கம்பளியைப் போர்த்திக்கொண்டு வந்தபோது கம்பளியைப் பிடித்துக் கொண்டிருந்த அவரது கைகளிரண்டும் நடுங்குவதைப் பார்த்த. தயாரிப்பாளர்களில் ஒருவரான முருகன், மிஸ்டர் டி.ஆர்.ஆர். இந்த உல்லன் கையுறையைப் போட்டுக் கொள்ளுங்கள். உங்கள் விரல்கள் நடனமாடுவதை நிறுத்திவிடும்!'' என்று தன் கையிலிருந்த உறைகளைக் கழற்றிக் கொடுத்தரர். கொஞ்ச நேரம்தான் வெளியில் டி.ஆர்.ஆர். நின்றிருப்பார்!

அப்பப்பா! ம்மாலே முடியாதப்பா! என்று அறைக்குள் சென்ற டி. ஆர்.ஆர்.ரை, பின்னர் அறை முழுதும் தேடிப் பார்த்தும் காண முடியவில்லை!

கட்டிலின்மோல, மூன்று கம்பளி களுக்கடியில், மின்சாரக் கணப் பையும் போட்டுக் கொண்டு படுத்திருந்தார் அவர்!

டைரக்டர் திருலோகசந்தர் எங்களிடம் இதைச் சொல்லி வந்த போது, அருகிலிருந்த டி.ஆர்.ஆர். டைரக்டர் சொல்றது பொய் சார்! மூன்று கம்பளி யெல்லாம் இல்லை. சுத்த டூப்! நான்குதான் போட்டுக் கொண்டி ருந்தேன்!'' என்று திருத்தினார் டி. ஆர். ஆர்.

அன்பே வா படத்திற்கான வெளிப்புறக் காட்சிகளில் பங் கெடுத்துக் கொள்ள, மக்கள் திலகம் எம்.ஜி.ஆர். அசோகண், நாகேஷ். டி.ஆர்.ஆர். ராம ராவ், பி.டி.சம்பந்தம், சரோஜா தேவி, மாதவி, மனோரமா, முத்து லட்சுமி, பாக்கியம் மற்றும் நாற்பது ஆண்களும் பெண்களும் வந்திருந்தார்கள். இவர்கள் தவிர, புரொடக்க்ஷன், டெக்னீஷியன்கள் தரப்பில் சுமார் ஐம்பது பேர்கள் வந்திருந்தார்கள்.

தாசப்பிரகாஷ் ஓட்டலில் சரோஜாதேவி, டைரக்டர், யா ரிப்பாளர்கள், மாதவி, பாக்கியம், முத்துலட்சுமி, மனோரமா, நாகேஷ் முதலியோருடன் நானும் தங்கியிருந்தேன்.

இந்த ஓட்டவிலேயே கூட வந்திருந்த நாற்பது ஆண்களும், பெண் களும் தங்கியிருந்தார்கள்.

எம்.ஜி.ஆர். சுதர்சனம் என்ற தணிப் பங்களாவில் தங்கியிருந்தார். நாங்கள் சென்றது செப்டம்பர் இறுதியில். அப்போது சீசன் அல்ல. எனவே மாலை நான்கு மணிக்கெல்லாம் லேசாக குளிர ஆரம்பித்து விடும். காலை எட்டு மணி வரை குளிராகத்தான் இருக்கும்.

விடியற்காலை மூன்று மணிக்கெல்லாம் இந்த நாற்பது ஆண் களுக்கும் பெண்களுக்கும் மேக்அப்' போட ஆரம்பிக்கப்பட்டு விடும். அப்போதுதான் ஏழு அல்லது எட்டு மணிக்கெல்லாம் எல்லாரும் படப்பிடிப்பு நடைபெறும் இடத்திற்கு வந்து சேர முடியும்.

வந்திருந்த எல்லாரும் தங்கள் கடமைகளை உணர்ந்து , பணரி யாற்ற உற்சாகத்துடன் முன் வந்தார்கள். ஊட்டியே உறக்கத்தில் ஆழ்ந்திருக்கும் அந்த நேரத்தில் தாசப்பிரகாஷ் ஓட்டல் மட்டும் விழித்துக் கொண்டு, சுருசுருப்பாக இயங்க ஆரம்பித்து விடும்!


 ஓட்டலின் ஒரு பகுதியில் இப்படி.


இங்கே, நாங்கள் தங்கியிருந்த இடத்தில் தயாரிப்பாளர்களில் ஒருவரான முருகன், நான்கு மணிக் கெல்லாம் எழுந்து, ஒவ்வொரு அறையாக நாங்கள் தங்கியிருக்கும் இடத்திற்கு வந்து, எங்களை எழுப்பி விட்டு விடுவார். ஊட்டிக்கு நானும் குமரனும் போய்ச் சேர்ந்த மறுநாள் சரோஜாதேவியும் எம்.ஜி.ஆரும் வந்தார்கள்.

சரோஜாதேவி, ஊட்டியிலே இந்த ஓட்டல் என்னுடைய பர்மெனெண்ட் வீடு மாதிரி ஆயிடுச்சு. வருஷா வருஷம் ஏதாவது ஒரு படத்துக்கு இங்கு வந்து விடுவேன்! ஆக என்னைப் பொருத்த வரை இந்த ஊர் குளிர் எல்லாம் பழக்கப்பட்டு விட்டது!'' என்று சொன்னார்.

இதற்கேற்ப, அவர் பிரதிதினமும் மாலை சுமார் ஆறு மணிக்கு மாதவி, மற்றும் நடனப் பெண்கள் புடை சூழ, கீழே உள்ள கோயி லொன்றுக்கு நடந்தே போய் பூஜை செய்து விட்டு வருவார்.

ஒரு நாள் எங்கள் ஓட்டலின் அறையில் உட்கார்ந்து கொண்டு மக்கள் திலகம், டி.ஆர்.ஆர்.. அன்பே வா தயாரிப்பாளர்களான முருகன், குமரன், நான் ஆகியோர் சீட்டு ஆடிக்கொண்டிருந்த போது, தேங்காய்ப் பிரசாகக்துடன் எங்கள் அறைக்கு வந்தார் சரோஜாதேவி. மக்கள் திலகம், தினமும் கோயிலுக்குப் போய் என்ன வேண்டிப்பீங்க?” என்று கேட்டார்.

"நல்லா வெய்யிலடிக்கணும். படப்பிடிப்பு நல்லா நடக்கணும். சீக்கிரம் வேலையெ முடித்து விட்டு நாங்களெல்லாரும் ஊருக்குத் திரும்ப அருள் புரியணும்!'' என்று கடவுளிடம் பிரார்த்தனை செய்து விட்டு வருகிறேன் என்று சொன்னார் சரோஜாதேவி.

மக்கள் திலகம்' வந்த முதல் நாள். கோவை வரையில் விமானத்தில் வந்து, பின்னர் அங்கிருந்து காரில் ஊட்டிக்கு வந்திருந்தார். எனவே நீண்ட தூர பிரயாணத்தினால் அவர் களைப்பாக இருப்பார், ஓய்வாக இருக்கட்டும், மறு நாள் காலை சென்று அவரைப் பார்க்கலாம் என்று நாங்கள் முடிவு செய்தோம்.

 மாலை ஏழு மணி இருக்கும்.

நாங்கள் மாடி அறையில் உட்கார்ந்து கொண்டு பேசிக் கொண் டிருந்தோம்.

திடீரென எங்கள் அறைக்குள் நுழைந்தார் எம்.ஜி.ஆர். எங்களுக்கு ஒரே திகைப்பு! நீண்ட நேரம் அன்று எங்களுடன் அறையில் உட்கார்ந்து பேசிக் கொண்டிருந்தார்.

ஊட்டியில் தனக்குள்ள அனுபவங்களைப் பற்றிச் சொன்னார். இலங்கைக்கும் சிங்கப்பூருக்கும் தான் எடுக்கப்போகும் சொந்தப் பட விஷயமாகப் போகப் போவதைச் சொன்னார். செஸ் விளையாட ஆரம்பித்திருப்பதைச் சொன்னார். இந்தியா - சீனா போரைப் பற்றிப் பேசினார்!

எவ்வளவு விஷயங்களை அவர் பேசுகிறார். ஓய்வில்லாமல் படப் பிடிப்பிலேயே மூழ்கிக் கிடக்கும் அவருக்கு எப்படி இவ்வளவு சங்க திகளைத் தெரிந்து கொள்ள முடிகிறது ?

எப்படி இதற்கு நேரம் ஒதுக்குகிறார் என்பது வியப்பாகவே இருந்தது! எம்.ஜி.ஆர். வந்த மறுநாள், படப்பிடிப்பில் அவரும் கலந்து கொண்டார்.


  தொடரும் .....

பேசும் படம் டிசம்பர் மாதம் 1965

Wednesday, 6 May 2020

உலகம் சுற்றும் வாலிபன் காவியத்தில் எனக்கும் சம்பந்தம் உண்டு ! - நடிகை லட்சுமி









மக்கள் திலகம் எம்.ஜி.ஆர். அவர்களின் மாபெரும் படைப்பான உலகம் சுற்றும் வாலிபன் படத்திற்கும் எனக்கும் சம்பந்தம் உண்டு என்று நான் சொன்னால் உங்களுக்கெல்லாம் வியப்பாக இருக்கும்.
ஆனால் அது உண்மை. அந்தப் படத்தில் ஒரு முக்கிய வேடத்தில் நான் நடிக்க வேண்டும் என்பது அவரது விருப்பம். அதை அவர் என்னிடம் தெரிவித்தபோது எனக்கு மகிழ்ச்சியாக இருந்தது.ஆனால் அப்போது நான் கருத்தறிந்திருந்த ஆரம்பக் காலம். அந்த நிலையில் வெளி நாட்டுக்குச் செல்லுவது அவ்வளவாக உசிதமாக இருக்காது என்று என் தாயார், கணவர், என் மாமனார் ஆகியோர் கருதினார்கள். ஆகவே நான் அவரது யோசனையை ஏற்றுக் கொள்ள முடியாதவளாகி விட்டேன். பிறகு வெளிநாடுகளில் படப்பிடிப்பை முடித்துக் கொண்டு சென்னை திரும்பியதும் இதய வீணை படப்பிடிப்பு ஜெமினி ஸ்டுடியோவில் தொடங்கியது. அப்போது ஒரு நாள் படப்பிடிப்பின் இடைவேளை நேரத்தில் என்னை அவர் அழைத்து உலகம் சுற்றும் வாலிபன் படத்தில்தான் நீ நடிக்கவில்லை போகட்டும். அப்படத்தை திரையில் போட்டுக் காட்டுகிறேன் என்று கூறி அதன்படி அந்தப் படத்தைப் போட்டுக் காட்டினார். படத்தைப் பார்த்த பிறகு எனக்கு எந்த ரோலை அவர் அளிக்க விரும்பினார் என்பதை என்னால் ஓரளவுக்கு அறிந்து கொள்ள முடிந்தது. அந்தப் படத்தில் நடிக்கும் வாய்ப்பு கிடைத்திருந்தால் உள்ளபடியே பெரு மகிழ்ச்சி அடைந்திருப்பேன். படம் பார்க்கும் போது நேரம் போனதே தெரியவில்லை. அத்தனை தத்ரூபமான இயற்கைக் காட்சிகளும், கலாரஸனைக்குரிய எல்லா அம்சங்களும் அதில் பூரணமாக இடம் பெற்றுள்ளன.
படத்தில் நடிக்க முடியாது போனாலும் படத்தையாவது பார் என்று பெருந்தன்மையோடு கூறுகிற பண்பும், பாசமும் எம்.ஜி.ஆருக்கே உரித்தானது. வெளிநாடுகளில் படப்பிடிப்புகள் நடந்தபோது தங்களிடம் எம்.ஜி.ஆரும், வி.என்.ஜானகி அவர்களும் எந்த அளவுக்கு அன்பும், பாசமும், ஊக்கமும் காட்டி ஆயிரமாயிரம் மைல்களுக்கு அப்பால் கடல் கடந்து வெளிநாட்டிற்கு வந்திருந்த போதிலும் எந்தக் குறையும் கொஞ்சமும் வைக்காமல் கவனித்துக் கொண்டார்கள் என்பதை மஞ்சுளா போன்ற தோழிகள் கூறிடக் கேட்டு பூரித்துப் போனேன்.
நல்ல உள்ளம் படைத்த மக்கள் திலகம் அவர்களது இந்த சாதனை படத்தின் பெருமை, உலகின் ஒவ்வொரு பகுதிக்கும் பரவிப் புகழ் கொடி நாட்ட விருக்கிறது என்பதில் ஐயமில்லை .

உலகம் சுற்றும் வாலிபன் மலர்
உரிமைக்குரல் எம்.ஜி.ஆர் இதழ் வெளியிடு -2010